Shirar is daba jooga ah ayaa ka soconaya magaalada Adis Ababa ee caasimada dalka Etoobiya, kaa soo lagu doonayo in lagu dhiso maamul goboleed  ka kooban lix gobol oo kala ah, jubada hoose, Jubada dhexe, Shabeelada hoose, Bay Bakool iyo Gedo.

Wasiirka gaashandhiga ee Soomaaliya mudane Abuukar Abdi Osman oo wareysi siiyey BBCda 21.08.2010 ayaa ku sheegey wareysigiisa in isaga iyo shan wasiir oo kale uu ka mid yahay wasiirka maaliyada mudane Xuseen Xalane iyo qabqabalayaal badan oo ay ka mid yihiin Xeefoow, Bare Hiiraale, Kiish burbur ay u joogaan Adis in lagu dhiso maamul goboleed ay yeelan doonaan gobolada kor ku xusan.

Waxaa halkaas ka cad in xalka Soomaaliya maalinba maalinta ka sii danbeysa uu ka sii darayo, oo dowladana wax talo ah gacanta ugu jirin iyo dowlado kale talada gacanta ugu jirto, howlaheedana ay yihiin kuwo iska horimanayo taana waxaa daliil u ah shirarka hada ka socda Adis Ababa.

Waxaa hadaba isweydiin leh su’aasha ah side suuro gal u tahay in dowlada ay marna dhisto maamul goboleed ka kooban saddex gobol oo kala ah Jubada hoose, Jubada dhexe iyo Gedo oo Nairobi ka socda, hadana abuubul ugu jirto dhismo maamul goboleed ka kooban lix gobol oo kala ah Jubada hoose, Jubada dhexe, Shabeelada hoose, Bay, Bakool iyo Gedo oo Adis Ababa ka socda?

Jawaabtu waxa weeye laab labo uma qeybsanto dowlada in ay u laab furan tahay maamulkaas Adis Ababa lagu yagleelayo, taasoo daliil u ah waftiga heerka sare ah ee ka qeyb galayo shirarkaas Adis Ababa ka socda.

Gabagabadii hadeynu nahay Golaha Qurbajoogta Jubooyinka waxaan weydiineynaa su’aasha ah side baa shacabka Waamo ama Jubbaland loogu qancin karaa in barnaamijka Gaandi uu wado uu yahay mid dowlada ay ogtahay, laguna dhasiyo maamul goboleed dowlada taageersan taas oo ah hadalka iyaga markasta ay ku celceliyaan???

Bilaahi towfiiq,

Golaha Qurbajoogta Jubooyinka,

London, UK

This e-mail address is being protected from spambots. You need JavaScript enabled to view it